Vipimo vya Tambi za Kukaanga
Tambi pakti moja
Sukari ¾ kikombe cha chai
Mafuta ½ kikombe cha chai
Iliki kiasi
Maji 3 Vikombe vya chai
Vanilla / Arki rose 1-2 Tone
Zabibu Kiasi (Ukipenda)
Namna ya kutayarisha na kupika Tambi za Kukaanga
Zichambue tambi ziwe moja moja.
Mimina mafuta kwenye sufuria yakisha pata moto mimina tambi,zigeuzegeuze mpaka zibadilike rangi na kuwa brown.
Punguza mafuta kwa kuyachuja na zirudishe jikoni.
Nyunyizia iliki zilizosagwa koroga kidogo na mimina maji na tia arki na acha zichemke mpaka maji yakikaribia kukauka mimina sukari koroga kidogo na punguza moto.
Kisha tia zabibu ukipenda, zifunike ili zikaukie vizuri.
Zikishakauka pakua kwenye sahani tayari kwa kuliwa
Kidokezi kuhusu Tambi za Kukaanga
Itategemea na aina za Tambi unazopika kwa kukisia maji, kama utaona hazijaiva unaweza kuongeza maji kidogo.
Discover more from Malindians
Subscribe to get the latest posts sent to your email.
